आंदुर्ले हे महाराष्ट्रातील सिंधदुर्ग जिल्ह्याच्या कुडाळ तालुक्यातील एक उपक्रमशील, कृषीसंपन्न व सामाजिकदृष्ट्या सजग गाव आहे. आंदुर्ले हे गाव तालुका मुख्यालय कुडाळ (तहसिलदार कार्यालय) पासून सुमारे 20 किमी आणि जिल्हा मुख्यालय सिंधुदुर्गपासून सुमारे 35 किमी अंतरावर स्थित आहे. या गावामध्ये 12 वाड्या आहेत. गावची लोकसंख्या 2780 इतकी आहे. गावातील लोक गणेश चतुर्थी, दसरा, दिवाळी यासारखे उत्सव एकोप्याने साजरे करतात. गावामध्ये 3 प्राथमिक शाळा आहेत. गावात एक सुसज्ज असे ग्रामसचिवालय आहे त्यामध्ये 10 कार्यकारिणी सदस्य, ग्रामसेवक व 5 कर्मचारी आहेत.
मुख्यमंत्री पंचायतराज अभियान अंतर्गत आंदुर्ले येथील सरपंच श्री.अक्षय तेंडोलकर, उपसरपंच श्री.चंद्रकीसन मोर्ये, ग्रामपंचायत सदस्य सौ.सुप्रिया येरम, यांच्या पुढाकाराने गुरुकृपा महिला स्वयं सहायता समूह, श्री देव ब्राह्मण महिला स्वयं सहायता समूह,श्री समर्थ कृपा महिला स्वयं सहायता समूहा मधील महीला व ग्रामस्थ यांच्या माध्यमातून वनराई बंधारा घालण्यात आला.यासाठी २० महीलांनी श्रमदान केले.प्रतिवर्षी आंदुर्ले ग्रामपंचायतच्या वतीने 'पाणी अडवा पाणी जिरवा' वनराई बंधारे मोहीम श्रमदानातून राबविण्यात येते.